Startseite
U10: FBS Schlieren 1 mit diskreter Leistung
Nachdem am letschti Sunntig de 1. Spieltag in Jona wägem schlächte Wätter abgseit worde esch, send üsi Kliene im Unterrohr in Meischterschaft gschtartet. Grad händsi gäge die starche Elgger und im zweite Spiel gäge Jona i dHose müesse.
Kristina Stojimirovic
Ein Bericht von Armin Schmid
Elgg de grossi Meischterfavorit und ned weniger schlächt Jungs us Jona händ üsne Kids kei Chanse glo und so semmer met zwei 0:3 Nederlage i di Saison gschtartet. Natürlich hemmer met dem grächnet, hend aber grad drumm die nächschte beide Spiel gäge Oberi und Oerlike welle gwönne. Aber ergendwie esch es eifach ned gloffe und Chnöpf hend en fertige Seich zämegschpelt, so dass mer nur met vell Chrampf beidi Gägner 3:0 hend chönne schlo.
Nätürlich hemmer met em Sven Nyffeler ( U12 ) und der Livia Fullin ( verletzt ) zwei vo de Beschte ned debi gah, aber trotzem hani eigentlich e besseri Spielkultur erwartet. E betzli entdüscht öber üses schwachi Ufräte beni scho es betzli, hemmer doch dene vele Fans welle zeige, was mer eigentlich könntet.
Auso werde mer die nächschte Trainings alles gäh damet mer am 19. Juni weder in Schliere en bessere Idruck henderlönd.
Es spielten für FBS Schlieren 1: Stefan Stefanov, Abilash Thayaparan, Joey Huang,Lorena Novak, Kristina Stojimirovic, Livia Fullin (verletzt), Armin Schmid (Coach)
PS: Auf Wunsch von Dani Kolb schreibe ich ab sofort meine Spielberichte in Mundart.
M2: 4. Spieltag
